Tun tashlar qora poʻstin,

Tong ajoyib manzara.

Gar mahzun boʻlsang, doʻstim,

Quyoshga kulib qara.

His qil quyosh taftini,

Dard-u gʻamlaring unut.

Choʻzsa nurli kaftini,

Sen ham unga qoʻling tut.

Tomchi-tomchi koʻzyoshing,

Toʻkilsa qatra-qatra.

Boʻlar yaqin sirdoshing,

Quyoshga kulib qara.

Qolmagin zulmat aro,

Oftobdayin porlagin.

Qalbingga berib oro,

Ezgulikni chorlagin.

Arofatbonu MULLAJONOVA,

Namangan davlat universiteti Ijtimoiy fanlar fakultetining Tarix yoʻnalishi 1-kurs talabasi