Erta sahar doim uyqudan turib,

Sening nafasingni his etdim har vaqt.

Goʻzal ruxsoringni oydayin koʻrib,

Seni jonim dedim, jonim tabiat.

Koʻrkingga koʻrk qoʻshar, daraxtlar, gullar,

Nomingni kuylashga ojiz bulbullar.

Husningni koʻrganda yayrar koʻngillar

Seni jonim dedim, jonim tabiat.

Bagʻringda ulgʻayar borki tirik jon,

Ollohdan sen bizga eng ulugʻ inʼom

Seni eʼzozlaydi dunyoda inson

Seni jonim dedim, jonim tabiat.

Madinabonu YOʻLDOSHEVA,

Hamid Olimjon va Zulfiya nomidagi

ijod maktabning 11-sinf oʻquvchisi