Yaratmoqchi boʻlsang baxtning kitobin,

Yoʻlingda toʻsiqlar paydodir, inon.

Lekin ularga hech eʼtibor berma,

“INSON” maqomini olgan ey, inson!

Shodlikdan bezagin umringni shodon,

Yorqin porlab tursin uning har satri.

Gʻamlar kelolmasin hatto qoshingga,

His qilma umuman alamning zahrin.

Dilingda yashasin faqat hayajon,

Yuzingda ufursin dilbar tabassum.

Taʼmini totmagin azob va dardning,

Joʻshqin kulgularing soʻnmasin bir zum.

Yuraging quvonchdan ursin hapqirib,

Gʻam soya solmasin, shudir oʻtinchim.

Qaygular tiz choʻksin sening poyingga,

Boshin egib tursin soʻz deyolmay jim...

Chin baxtdan yaralsin umr kitobing!

Nasiba BOSHMONOVA,

Jizzax viloyati Hamid Olimjon va Zulfiya nomidagi ijod maktabining 9-sinf oʻquvchisi