Abdugʻani darsxonasiga kirib qarasa, stoli ustida turgan darsliklar oʻzaro gaplashayotganmish:

– Bu bolakay rosa oʻzbilarmon, bezori. Chunki darsda mashqlarni kitobdan koʻchirmay, daftariga allanimalarni yozib tashlaydi, – debdi “Ona tili”.

– Mendagi masala va misollarni notoʻgʻri bajarib, shakllarni yaxshi chizmagan, – debdi “Matematika”.

– Mavzu tabiatning rasmini chizish edi, bu esa bir-biridan xunuk maxluqlarni rasmini chizib, meni rosa xafa qilgan, – debdi “Tasviriy sanʼat”.

– Shuning uchun bu bolakayni jazolash kerak! – debdi darsliklar baravariga.

– Yoʻ-oʻ-q! – deb bor ovozi bilan qichqiribdi Abdugʻani va uygʻonib ketibdi. Xayriyatki, koʻrganlari tush ekan. Darrov oʻrnidan turibdi-da, yuz-qoʻlini yuvib, dars qilishga tutinibdi. Bundan keyin darsliklarni xafa qilmaslikka ahd qilibdi...

Asrorbek MADALIEV,

Toshkent viloyati Angren shahridagi

22-maktab oʻquvchisi