Soatim oʻn birdan oshib ham boʻldi,

Men rosa charchadim, charchamadingmi?

Bugungi kunimdan koʻnglim xoʻp toʻldi.

Dilda hayajon bor,

Uxlamaymizmi?

Yulduzlar chiqqan-u, oy koʻrinmadi,

Itlarning ovozi hali tinmadi.

Nimaga koʻzimga uyqu inmadi,

Ertaga ishim koʻp,

Uxlamaymizmi?

Hayot toʻxtamaydi olamda bilsang,

Uyqu qochadi-da kechasi yursang,

Rohatlanasanmi ustimdan kulsang?

Ey yurak, boʻldi-da,

Uxlamaymizmi?

Ibrohimbek BAHODIROV,

Samarqand viloyati Qoʻshrobot tumanidagi

85-maktabning 9-sinf oʻquvchisi