Sen qalblarga tuydirib ifor,

Dala-qirni bezab betakror,

Yana taxtga oʻtirding takror,

Quvonchginam koʻklamim, bahor.

Qor tagida undirding chechak,

Sumalakni eritding chak-chak,

Seni kutib yashadik halak,

Quvonchginam koʻklamim, bahor.

Atrin sochar yalpiz, ismaloq,

Qizlar bagʻri lolaqizgʻaldoq,

Daraxtlarni gullatding oppoq,

Quvonchginam koʻklamim, bahor.

Koʻk bagʻrida bulut yo quyosh,

Baʼzan toʻkib turar osmon yosh,

Erib ketar qor berolmay dosh,

Quvonchginam koʻklamim, bahor.

Diyora BAXTIYOROVA,

Toshkent viloyati Yangiyoʻl tumanidagi

27-maktabning 6-sinf oʻquvchisi