Oʻz inida bir Quyon,

Alanglab u-yon, bu-yon.

Kunin koʻrar beozor,

Garchi ini biroz tor.

Bir kun Quyon zerikdi,

Uyidan asta chiqdi.

Oʻylab qoldi shu mahal:

“Qayga boray bemahal?!

Agar ayyor Tulkioy,

Pisib kelsa hoyna-hoy,

Qochishga yoʻq xilvat joy,

Tutar vaqtni bermay boy”.

Oʻyladi-yu seskanib,

Ini tomon sirpanib.

Yoʻl oladi oʻrmonga,

Bexavotir makonga.

Angladi-ki oʻz uyi,

Yashashga zoʻr yil boʻyi.

Oʻz inida baxtiyor,

Boshqa joyda nima bor?!

Nozanin HALIMOVA,

Buxoro viloyati Buxoro tumanidagi

20-maktabning 6-sinf oʻquvchisi