Kumush ajoyib qizcha,

Gapga chechan va quvnoq.

Goʻyo chiroyli gʻuncha,

Qiqirlab kular har choq.

Gapga tutdim bir kuni:

“Sevgan mevang qaysi?” – deb.

Javobin aytdi asta,

Qulupnaydan bitta yeb:

– Opajon, sizga aytsam,

Barcha meva yoqar xoʻp.

Lekin eng xush koʻrganim –

Qulupnayni yeyman koʻp.

Solishtirsam ikkisin,

Oʻxshab ketar bir yogʻi.

Bilsam, tiniq yuzida

Bor ekan bir xil xoli.

Parizod HAZRATQULOVA,

Sirdaryo viloyati Boyovut tumanidagi

Matematika faniga ixtisoslashtirilgan maktab-internatining 11-sinf oʻquvchisi