***

– Sardor, nega asal bankasiga “qalampir” deb yozib qo‘yding?

– Jim, men chumolilarni chalg‘ityapman.

***

– Umidjon, qara, buvang ketmon chopaverib terlab ketdi, borib yordamlashib yubor.

– Buvamga men emas, sochiq yordam beradi, buvijon.

***

– Sardor, bunaqangi baqir-chaqirlaring bilan meni garang qilib qo‘yasan, o‘g‘lim.

– Ha, endi tushundim buvimning quloqlari nega eshitmasligini!

***

– Buvijon, qarang, rasm chizdim.

– Juda yaxshi. Lekin bu nimaning rasmi?

– Xollarini ko‘rmayapsizmi, jirafa-ku.

– Iye, unda boshi bilan bo‘yni qani?

– Qog‘oz kichkina ekan, sig‘madi.

***

– Buvijon, qarang, “Hayvonot bog‘i”dagi tuyaning rasmini chizdim.

– Iye, uning dumi nega buncha uzun?

– Axir akam, buvim seni tuyaning dumi yerga tekkanda, “Hayvonot bog‘i”ga olib boradilar, degan-ku.