O‘zbek tilidagi “momaqaldiroq” so‘zi qadimgi afsonalardan olingan “osmonda yashovchi kampir” obraziga  borib taqalishini bilarmidingiz? Gap shundaki, o‘zbek xalq ijodida havoni guldiratib, yomg‘ir yog‘diruvchi “guldirmomo”, “momaqaldiroq”, “gupudakmomo”, “momopo‘stak” kabi afsonalar va asotirlar mavjud.

Surxondaryoliklar orasida momaqaldiroq gumburlaganda “gupudak momo suprasini qoqyapti” degan naql bo‘lgan.

Buxoroliklar esa osmonda, bulutlar orasida oq kiyim kiygan momo yashaydi deb o‘ylashgan va uni “momaqaldiroq” deb atashgan.

Navoiyliklarda, momo po‘stagini qoqqanda chaqmoq chaqadi, degan afsonalar ham  bo‘lgan.