O‘zbek tilidagi “tiyin” so‘zi olmaxon degan ma’noni anglatishini bilasizmi? Uning mo‘ynasi qalin va qimmat bo‘lgani bois turli ayriboshlash, savdo-sotiqda pul-qiymat sifatida ishlatilgan.

Hozirgi o‘zbek tilidagi “tanga” so‘zi ham qadimgi turk tilidagi “tamg‘a” so‘zidan olingan. Qadimda har bir hukmdor mis, kumush, oltin kabi metallarga o‘z tamg‘asini bosib, muomalaga chiqargan va ularni “tamg‘a” deb ataganlar.