Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Oftob

Umarali QURBONOV

 

Nuroniy bir bobom bor,

Boqishlari xo‘p ajib.

Erkalatar olamni –

Yuzlaridan nur sochib.

Sharqdan g‘arbga hassasiz

Mag‘rur yurib o‘tadi.

Shahar, dala, bog‘larga

Olov mehrin tutadi.

Kechki payt ufqqa

Asta qo‘yar boshini.

Rostim, aniq bilmayman,

Bu bobomning yoshini.

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.