Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Eshqobil Shukur

O‘zbekiston  Respublikasida xizmat ko‘rsatgan  ma­daniyat xodimi Eshqobil  Shukur 1962-yil 20-iyulda Surxondaryo  viloyatining Qumqo‘rg‘on tumanidagi Boymoqli  qishlog‘ida  tug‘ilgan.O‘rta maktabni  tugatgach  Toshkent Davlat universitetining (hozirgi O‘zbekiston Milliy  universiteti)  filologiya  fakultetida  tahsil  olgan.

O‘zbenkiston televideniesida muharrir (1985-1992), “Saodat”  jurnalida bosh muharrir  o‘rinbosari (1992-1994),Davlat Matbuot Qo‘mitasida bosh muharrir (1994-1995), 1995-2014-yilgacha O‘zbekiston  televideniesida  bosh muharrir  ldavozimida xizmat qildi.Bugungi kunda  “Ma'naviy hayot”  jurnali bosh muharriri.

Ijodini o‘tgan asrning 80-yillaridan  boshlagan Eshqobil Shukur  “Qadimgi bitiktoshlarga yozuvlar”,“Mengim momomning yo‘qlovi” nomli  ilk  she’rlari bilanoq o‘z muxlislarini  topdi. Shundan so‘ng uning  “Yurakni o‘rganish” (1986), “Sochlari sunbul-sunbul” (1988),“Tungi gullar” (1989), “Yashil qushlar” (1995) she’riy to‘plamlari  nashr  etildi. “Hamal ayvoni”, “Ko‘z yumib ko‘rganlarim” nomli kitoblari  nozik ta’b adabiyot  muxlislari  qalbini rom etdi.

“Tungi gullar” to‘plami  respublika yoshlar tashkilotining  Usmon Nosir  nomidagi mukofotiga sazovor bo‘ldi.

Ijodkor  “Ko‘hna bog‘ rivoyatlari”, “Oqibat oqshomi”, “Padarkush” nomli nasriy asarlar hamda “Ibtido xatosi”, “Naqshband” kabi dramatik dostonlar, “Lahza siniqlari”, “Nasoyim-ul muhabbatga sayr” turkumlari, “Dunyoning ko‘chishi”, “Qo‘riqxonada”,“Pul  sanayotgan odam” kabi qissa  va hikoyalar to‘plami hamda “Boboso‘z izidan” nomli tilimiz tarixi va tadrijiga bag‘ishlangan kitoblar ham  yaratdi. Shoirning  asarlari   ingliz, rus, turk, ozarbajon kabi ko‘plab xorijiy tillarga ham tarjima qilingan.

Eshqobil Shukur 2013-yilda “E’tirof” mukofoti sohibi, 2016-yilda “Oltin qalam” xalqaro milliy mukofoti tanlovi g‘olibi bo‘lgan.

Serqirra ijojkor 2016-yilda  Turkiyaning Istanbul shahrida bo‘lib o‘tgan turkiy tilli  adiblar anjumanida “Turkiy tillar  sharafi “mukofotiga, joriy yilning iyun oyida esa 14-Turkiy xalqlar she’riyat  festivalida “Qaldirg‘och” she’ri uchun  Baxtiyor Vahobzoda nomidagi bosh mukofotga  sazovor  bo‘ldi.

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.