Yunusobod tumanidagi 274-maktabda tuman AKM bilan hamkorlikda “Kitob – hayot ko‘zgusi” mavzusida tadbir o‘tkazildi. Tadbirda “Gulxan” jurnali bosh muharriri o‘rinbosari Dilafro‘z Zayniyeva, “G‘uncha” jurnali mas’ul kotibi Dilfuza Kamoljonova, AKM mutaxassislari ishtirok etishdi. 4-a va 4-b sinf o‘quvchilari “Tong yulduzi” gazetasi, “Gulxan”, “G‘uncha” jurnallarida chop etilgan she’rlardan yod aytishdi. O‘qigan kitoblari haqida so‘zlab berishdi. Mehmon ijodkorlar yig‘ilganlarga  ijod namunalaridan o‘qib berib, kitob, mutolaaning afzallliklarini hayotiy misollar bilan uqtirib berishdi. Ular faol o‘quvchilar va maktab kutubxonasiga kitoblar sovg‘a qilishdi. Tadbir so‘ngida Yunusobod tumani AKM tomonidan faol ustozlar Dilfuza Oripova, Nodira Ismoilova, kutubxona mudiri Yulduz Roziqova va mehmonlarga “Tashakkurnoma” berildi.

 Mahmuda VALIYEVA