Tumanimizdagi “Barkamol avlod” bola­lar maktabining “Jurnalistika va notiqlik” tо‘garagi о‘quvchisiman. Maktabimiz bir nech­ta gazeta va jurnallarga obuna bо‘lgan. Bosma ommaviy axborot vositalari  bilan muntazam tanishib boraman. Chunki bugunning eng ishonchli xabarlarini, tah­liliy, tarbiyaviy ma­qolalarni matbuot orqali kо‘rishimiz mumkin. “Yoshlik”, “Tong yulduzi”, “Gulxan”ning har sonini intiqib kutaman. “Yoshlik” jurnali ijo­dda kо‘z ochayotgan yangi  buloqlarni bizga tanitib boradi. “Gulxan”ni sevib mutolaa qili­shimning asosiy  sababi, tengdoshlarimning fikr-mulohazalari qay darajada ekanligini ku­zatib borish imkoni­yatini beradi. Atrofimdagi yoshlarga  e’tibor beradigan bо‘lsam, deyarli kо‘p­chiligi ga­zeta, jurnal sо‘zini unutishgan hisobi. Sinf­dosh­larimdan bu haqida sо‘ra­ganimda, aksa­riyatidan salbiy javoblar olaman.

–   Istalgan yangilikni internetdan topish mumkin bо‘lgan bir paytda gazeta о‘qishga sira hojat qolmadi, – deydi sinfdoshim Jav­lon. Uning fikriga qo‘shilmayman. Chunki inter­netdagi barcha ma’lumotlar ham to‘g‘ri bo‘lavermaydi.

–   Yangi nashrdan chiq­qan gazeta va jurnallarni diq­qat bilan kuzatib, mening ham she’rim chiqqandir, deya sinchiklab о‘qiyman. Mabodo she’rim chiqqan bо‘lsa, men uchun bayram, – deydi tо‘garakdoshim Laylo. U adabiyotni chindan sevadi-da!

Men ham har kuni kamida bir soatimni gazeta va jurnallar mutolaasiga bag‘ishlayman. Ilgari markaziy  kutubxonadan gazeta ax­ta­rardik. Hozirda smartfonimizdagi “Gaze­talar sharhi” telegram kanalida ham ba’zi gazetalarni o‘qisa bo‘ladi.   Faqat sizda qiziqish bо‘lsa, kifoya. Zero, yaxshi mutolaa bu yorqin kelajak demakdir!  

Mashhura USMONOVA,

Jizzax viloyati G‘allaorol tumanidagi “Bar­kamol avlod” bolalar maktabining

“Jurnalistika va notiqlik” tо‘garagi tinglovchisi