Qadim Turkistonning shuhrati, shoni,

Ajdodlardan meros nurli imkoni,

Qodiriy, Choʻlponlar asriy armoni,

Qalbimning toʻrida jo boʻlgan tilim,

Seni ardoqlagay toabad elim.

Navoiy faxr etib soʻzlagan tilim,

Boburlar yetolmay, boʻzlagan tilim,

Goho qismatingdan ezilar dilim,

Qalbimning toʻrida jo boʻlgan tilim,

Seni ardoqlagay toabad elim.

Sen ummon ostidan terilgan bir dur,

Shu tilda allalar tinglagan Temur,

Sen-la necha shoirlar boʻldilar mashhur.

Qalbimning toʻriga jo boʻlgan tilim,

Seni ardoqlagay toabad elim.

Amonova Gulchehra,

Buxoro viloyati Shofirkon tumani

25-maktab