Salim ASHUR 1964-yilda tu­g‘ilgan. 1982-yili Surxondaryo vilo­yati Qiziriq tumanidagi Zahi­ri­d­din Muhammad Bobur nomidagi 17-maktabni tugatgan. 1982-1989-yil­larda O‘zbekiston Milliy universiteti (ToshDU)ning jurnalistika fakul­te­tida tahsil olgan.

Mehnat faoliyati davomida “Sao­dat” jurnali (1990-1994), “O‘zbe­kis­ton ovo­zi” va “Голос Узбекистана” ga­zetalari bosh muharririning bi­rin­chi o‘rinbosari (1990-1999), “Tur­kiston” va “Молодеж Узбекистана” gazetalari bosh mu­har­riri (2000-2014), O‘zbekiston Res­publikasi Prezidentining davlat mas­lahatchisi o‘rinbosari (2014-2019), “O‘z­­be­kis­ton adabiyoti va san’ati” ga­zetasi bosh muharriri (1919-2023) kabi  lavozimlarda ish­lagan. Hozirda O‘z­bekiston Yo­zuvchilar uyushmasida xizmat qiladi.

“Atirgul” (1994), “Siz ertaga ke­lasiz” (2000), “Atalgan kunlar” (2003), “Ma­shinalar karvoni” (bo­lalar uchun – 2010), “Muhabbat ki­tobi” (2012), “Katta oftob” (2013), “Titroq” (2013), “Qor va nur” (bolalar uchun – 2018), “Mangu el” (2022) kabi kitoblari nashr etilgan.

Jahon adabiyotidan U.Uitmen, J.P.Sart, O.Genri, A.Blok, I.Bunin, A.Kuprin, A.Fet, K.Paustovskiy, Oyar Vatsietis, Nizom Qosim, Xayal Rizo kabi shoir va adib­larning asarlaridan namunalar, shu­ningdek, Mahatma Gandining “Hind svaraji (istiqloli)” asarini o‘zbek tiliga tarjima qilgan. Uyg‘onish davri  italyan adabiyotining yorqin vakili Franchesko Petrarkaning “Qo‘shiqlar kitobi”ni o‘z­bek tiliga o‘girgan, kitob 2018-yilda nashr etilgan.

1996-yildan O‘zbekiston Yozuvchilar uyushmasi a’zosi.

“O‘zbekiston Respublikasida xiz­mat ko‘rsatgan jur­nalist” faxriy unvoniga ega (2012).