Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Tanishing: gʻoliblar

Dono va zukko bolajonlar. Jurnalning 2019-yilning 1-sonida eʼlon qilingan “Yosh jurnalist” tanlovi gʻoliblarini sabrsizlik bilan kutayotgan edingiz-a?! Mana nihoyat, oʻsha hayajonli damlar ham yetib keldi. Tanlovga yil davomida ijodkor, izlanuvchan jurnalxonlarimiz 200 ga yaqin ijodiy ish yuborishdi. Tahririyat aʼzolari har bir maktubni diqqat bilan oʻqib chiqishdi. Maktub egalarining jamiyatdagi voqea-hodisalarga befarq emasligi, ona tabiatimizni asrab-avaylash, musaffoligini taʼminlashni oʻzlarining ham masʼul vazifasi deb bilishlari, badiiy adabiyotga boʻlgan muhabbatlari dilimizga yorugʻlik berdi. Insholarni saralab, yil davomida jurnal sahifalarida eʼlon qilib bordik. Biroq oʻquvchilarimizning kelajak haqida oʻylashga unchalik shoshilmayotganlaridan toʻgʻrisi, biroz ranjidik. Chunki tanlovning bu shartiga bor-yoʻgʻi 6 ta maktub keldi-da. Ulardan atigi bir donasi hayʼat aʼzolariga manzur boʻldi. Afsuski, ushbu mavzuda 2-3-oʻringa maʼqul insho topilmadi. Quyida tanlovning talabchan hayʼat aʼzolari gʻolib deb topgan oʻquvchilar bilan tanishasiz.

“Doʻstingizga aylangan asar” mavzusi boʻyicha:

1-oʻrinMunisa Bahodirova, Toshkent shahri Uchtepa tumanidagi 236-maktabning 7-sinf oʻquvchisi.

2-oʻrinSevinch Sanaqulova, Toshkent shahri Mirzo Ulugʻbek tumanidagi 221-maktabning 7-sinf oʻquvchisi.

3-oʻrinSaidaziz Samadov – Toshkent shahri Yunusobod tumanidagi 313-maktabning 7-sinf oʻquvchisi.

“Tabiatning bir boʻlagimiz” mavzusi boʻyicha:

1-oʻrinKumushoy Tolibova, Buxoro tumanidagi 23-maktabning 5-sinf oʻquvchisi.

2-oʻrinManzura Pattayeva, Jizzax viloyati, Zomin tumani 34-maktabning 8-sinf oʻquvchisi.

“Kelajak – mening tasavvurimda” mavzusi boʻyicha:

1-oʻrinShahrizoda Sanaqulova, Mirzo Ulugʻbek tumanidagi 221-maktabning 11-sinf oʻquvchisi.

Gʻoliblarimizga sovgʻalar tantanali ravishda topshiriladi. Biz gʻoliblarimizni chin dildan tabriklaymiz. Ularning oʻqish va ijodlariga omad tilar ekanmiz, bundan keyin ham hamkorligimiz davom etishiga ishonamiz.

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.