Yaqinda Prezidentimiz tashabbuslari bilan xalqaro fan olimpiadalari g‘oliblariga Maktabgacha va maktab ta’limi vazirligi tomonidan pul mukofotlari berildi. Endi ularga yana qo‘shimcha imkoniyat ochadigan Future AI talents dasturi yo‘lga qo‘yilmoqda.

Unga ko‘ra, xalqaro, mintaqaviy yoki milliy darajadagi aniq fanlar bo‘yicha olimpiadalarda, masalan, Xalqaro matematika olimpiadasi (IMO), Xalqaro fizika olimpiadasi (IPhO), Xalqaro informatika olimpiadasi (IOI) yoki shunga o‘xshash tanlovlar sovrindorlari Sun’iy intellektga bog‘liq kurslarda bepul o‘qib, kelajakda shu sohada kuchli iqtidor egasi sifatida yuqori daromadli ishga ega bo‘lishi mumkin.

Kurslar MAAB Academy tomonidan bepul tashkil etiladi. Ro‘yxatdan o‘tish uchun havolani jurnalning  rasmiy telegram kanalidan  (t.me/gulxan_uzb) topishingiz mumkin.