Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

90 yilki

Toʻqson yilki, muxlislar

Koʻksida porlaganim.

Toʻqson yilki, lovullab,

Yoniga chorlaganim.

 

Yoshi ulugʻ boboning

Bolaligisan, “Gulxan”,

Qalbiga quvonch bergan

Donoligisan, “Gulxan”.

 

Seni uqib, oʻqigan

Hayotda boʻlmadi kam.

Gurillayver, Gulxanjon

Shamol, boʻron tursa ham.

 

Atrofingda ne shoir,

Yozuvchilar jam boʻldi.

Ijodlari mahsuli

Rassom-la bekam boʻldi.

 

Oʻnlab iqtidorlarning

Tetapoyasi oʻzing.

Ijod bogʻiga eltgan,

Pillapoyasi oʻzing.

 

Seni desa elimning

Yashnab ketadi koʻzi.

Senga oshno bolaning

Biyrondir har bir soʻzi.

 

Yon-yonaver, Gulxanjon,

Choʻgʻing aslo soʻnmasin.

Yil, asrlar oʻtsa ham

Chin maʼrifat oʻlmasin!

 

Zahro Hasanova

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.