Shirin burun

– Bilmam qanday turibsiz

Bu suronda, Qorbobo?

Sovuq qotmadingizmi

Qorboʻronda, Qorbobo?

– Yaralganman qor, muzdan,

Sovuq oʻtmas bu jondan,

Faqat sabzi burnim-chun

Hadigim bor quyondan.

Tovuqning aytgani

Garchi koʻkda uchmaymiz,

Lek bizlar ham qushlarmiz.

Baʼzan xashak, goʻng titib,

Koʻnglimizni xushlarmiz.

Goʻsht, tuxum yeb odamlar

Kuch olar biz tovuqdan.

Faqat qishda egamiz

Asrasa bas sovuqdan.

Turob Yusuf