Ozod Vatan qoʻynida,

Ochildi gul-lolalar.

Madh etamiz shodlikni,

Biz baxtiyor bolalar.

Osmonimiz musaffo,

Tiniq otar tongimiz.

Kelajakka nur sochar –

Shuurimiz, ongimiz.

Bolalikning sofligin,

Shalolaga qiyoslar.

Yuqoridan kuzatib,

Chaqnab ketar quyoshlar.

Tinch boʻlsin yer kurrasi,

Olov qalblar gurlasin.

Madhiyadir olamga,

Bolalarning “urra”si!

Yayratadi dillarni,

Oʻyin-kulgi, yallalar.

Bolalik quvonchimiz –

Kamalakday ranglanar.

Bobomeros Vatanga,

Sodiq farzand boʻlamiz.

Kelajagin yaratib,

Iqbolini koʻramiz.

Koʻnglimizda hayajon,

Xurramlik – katta boylik.

Bolalikning qadriga

Bolalikda yetaylik!

Orif TOʻXTASH