Orzularda oyga uchib yashaymiz,

Goh Parijdan Rimga ko‘chib yashaymiz.

Kulgularni poyingizga to‘shaymiz,

Biz – bolalar baxtni quchib yashaymiz.

Aslo kerak emas bizga g‘avg‘olar,

Bizni qiziqtirmas boylik – dunyolar.

Kelajakda bizdan chiqar daholar,

Biz – bolalar baxtni quchib yashaymiz.

Boqmaymiz hech birovlarga hasad-la,

Qalbimizni havaslarga o‘raymiz.

Qadam bosib kelajakka maqsad-la,

Biz – bolalar baxtni quchib yashaymiz.

Kerak emas yolg‘on, ro‘yo bizlarga,

Shodliklarga sizni ko‘mib tashlaymiz.

Duo bering kichik o‘g‘il-qizlarga,

Biz – bolalar baxtni quchib yashaymiz.

Sevinch BAXTIYOROVA,

Samarqand viloyati Qo‘shrabot tumani

52-maktab 8-sinf