Shukrona aytib bugun,

Qo‘limga qalam oldim.

O‘tmishingni ko‘p o‘qib,

Bir zum xayolga toldim.

Nelar ko‘rmadi boshing,

Chidab, yetdi bardoshing.

Chaman etdi sahroni

Istiqloling – quyoshing.

Quvonchimdan ko‘zda nam,

Qurimasin hech bog‘ing.

Alloh nazar solgan yer,

Gavhar erur tuprog‘ing.

Sen – onamsan, sen – otam,

Sensan qadim tumorim.

O‘ttiz uch yosh muborak,

O‘zbekiston diyorim.

Munisa AZIMOVA,

Buxoro shahar 20-maktab 8-sinf