Kitob

Odamlar qalbiga nur sochar,

Ma’noli yozilgan zo‘r kitob.

O‘qisang gar sevib sen uni,

Bo‘ladi eng yaxshi do‘st kitob.

Sizga deydi bobongiz Jabbor,

Oltin davring o‘tkazma bekor.

Kitob o‘qib, chaq uning mag‘zin,

Bilimli bo‘l, och aql ko‘zin.

Qo‘shiqchi bola

Sinfimizda biz uni,

Sevib deymiz qo‘shiqchi.

Rost bo‘lsa bir tinglaylik

Qani, u kuylasin-chi.

Dutor olib qo‘liga,

Nurbek kuylar berilib.

Endi ishondingmi, deb,

Oybek so‘zlar kerilib.

Jam bo‘lishib barchamiz,

Qo‘shiq tingladik yana.

Biz ham ishonib unga,

Deymiz “qo‘shiqchi bola”.

Jabbor XALIL