Yig‘lab turgan bolani,

Ko‘rgan odam o‘ylanur.

Eshitsam men nolani,

Tanda jonim qiynalur.

Bolalik ne bilaman,

O‘tkazganman boshimdan.

Hamon eslab kelaman,

Qiynalganman, yoshimdan.

Bolajonlar pok bo‘lar,

Ko‘ngillari oq bo‘lar.

Qushlar kabi beozor,

Mehrga mushtoq bo‘lar.

Hamma bola quvnashib,

Yayrasalar chamanda.

Qalbimdan zavqim toshib,

Sevinchim oshar tanda.

Yaxshilar bor dunyoda,

Bolalarni o‘ylaydi.

Shoir Toji Saodat,

Qo‘shig‘ida kuylaydi.

Saodat TOJI