Huquqlarimiz bisyor,

Bizda qonun ustuvor.

Biz erkinmiz, biz hurmiz

Qomusda g‘ururimiz.

Vatanimiz ko‘zgusi,

Qat’iydir har bir so‘zi.

O‘qib yodda saqlaymiz,

Burchimizni oqlaymiz.

Orzuimiz u bilan,

Sha’n-shonimiz u bilan.

Ozod elning qomusi

Obod elning qomusi.

So‘zlagani adolat,

Ko‘zlagani diyonat.

O‘qib, o‘qib kuchlimiz,

Yurt ishiga burchlimiz.

Kelajakka yo‘llaydi,

Har bandida qo‘llaydi.

Xalqning Bosh kitobi u,

Ko‘kdagi oftobi u.

Zahro HASANOVA