Bir taqsim nol – cheksizlik,

Matematik ifoda.

Sakkiz soni yastanib

Yotgani tushar yodga.

Cheksiz olam,

Cheksiz yurt

Ko‘zlarimda ko‘kargan.

Yurakdan suya-suya,

Bor mehrimni to‘karman.

Hammayoq obod, hilol,

Lol boqadi bosh qashib.

Iqbol uchun kurashar

Odamlar jon talashib.

Ustozlar har bir fanni

O‘tganlari yaradi.

Bilim – yangi imkonlar

Keltirib chiqaradi.

Cheksizlikka talpinib,

Zeb beraman o‘zimga.

Oynaksiz ko‘zoynakni

Taqib olgan ko‘zimga.

Moʻmin AVAZ