Kattagina javonda

Turar bitta kitobcha.

Unda olam yashirin,

Udir go‘yo oftobcha.

Nogahon ko‘zi tushib,

Jajji Salim hayratda.

Onasidan minnatdor,

Kitob olgan, albatta.

– Onajon, shu kitobni

Menga o‘qib bersangiz.

Yashirin bilimlarin

Mag‘zin chaqib bersangiz.

Onasi mamnun bo‘lib,

O‘g‘lidan xursand edi:

– Birga idrok koniga

Sayr qilamiz, – dedi.

– O‘g‘ilginam, sultonim,

Har jabhada kitob yor.

Komil inson tuyg‘usin

Dilingga solar takror.

Koinotni o‘rganish,

Yer tortishish qonuni,

Undadir jam barchasi

Udir dunyo ustuni.

Dunyoga boq, bolajon,

Zakovating oshadi.

O‘qi, izlan, yugur, chop,

Seni dunyo kutadi.

Salim kitobni olib,

Asta unga shunday der:

– Agar sen bo‘lmaganda,

Yaralmasdi ona Yer!!!

Nargiza CHORIYEVA,

Surxondaryo viloyati Bandixon tumani 15-maktab 10-sinf