Davlatimiz ramzlaridir u –

Bayrog‘i, gerbi, madhiyasi.

Bu muqaddas timsollarimiz

E’zozlar yurt yosh, qariyasi.

Ular erur tinchlik belgisi,

Yurtimiz hurlik belgisi.

Unga munosib-la yuraylik,

Tinchlik uchun hushyor turaylik.

Kimlar orzu qilmadi uni,

Usmon Nosir ko‘rmadi uni.

Unga jodir ajdodlar yodi,

Cho‘lpon, Qodiriylar faryodi.

Bu timsollar g‘urur, orimiz,

Bu timsollar iftixorimiz.

Ko‘taraylik ko‘klarga mudom,

Qalbda mehr, hurmat, ehtirom.

Zahro HASANOVA