Vali eshitgan chog‘i

Bu gapga bo‘ldi hayron.

“Devorning ham qulog‘i”

Bo‘larmi, deb, hech zamon.

–   Yur, – dedi do‘stim G‘ani,

Bu gap chiqmagan bekor.

Borib ko‘raylik, qani,

Nahotki, qulog‘i bor.

Paxsa devorga tomon

O‘tishdi bog‘ yonidan

Deb: “Ikkimiz topgan on,

Tortamiz qulog‘idan”.

Bo‘ylashdi u yon-bu yon,

Ko‘rinmas hatto, tirqish.

Tep-tekis ikki tomon,

Qiziq bo‘ldi-ku bu ish!

Sinchiklab har yog‘ini,

Fahmlari yetganmish:

Devorning qulog‘ini

Kimdir kesib ketganmish.

Saodat MUSAYEVA