Duo qiling, ko‘zlarida nam bo‘lmasin,

Shodlik bering, murg‘ak dilda g‘am bo‘lmasin,

Mag‘rur yursin boshlari hech xam bo‘lmasin,

Quvnab yursin bu dunyoning bolalari!

Zamin gulzor, ular gul-u lolalari,

Hech bir inson eshitmasin nolalarin.

Onalarning qalbi, yurak poralari,

Chopqillashib yursin dunyo bolalari!

Bola kulsa – quyosh kular, olam kular,

Ezgulikni istagan har odam kular,

Bobom kular, momom kular, onam kular,

Bag‘ri butun bo‘lsin dunyo bolalarin!

Quvonchbek SALIMOV, Qashqadaryo viloyati Qarshi tumanidagi

42-maktab o‘qituvchisi