Ajdodlardan qolgan merosim,

Olam ichra yagona tilim.

Sening ila yuksak parvozim,

Iftixor-la mavjlanar dilim.

Qasidalar yozilgan sen-chun,

Navoiylar madhing etgan yod.

Zabonimda yangraysan har kun,

She’rlarimga baxsh etib hayot.

Turkiy tilim – go‘zal kalomim,

Sen borsanki, so‘zlarim burro.

Qush tilidan afzal lisonim,

Ko‘ngillarda yangra doimo!

Mohichehra ERALIYEVA,

Erkin Vohidov nomidagi

ijod maktabi, 9-sinf