“Gulxan”jonim – qadrdon do‘stim,

Qanot berding orzularimga.

Ishonch berding, ko‘klarni quchdim,

Samimiylik, tuyg‘ularimga.

Sochlarimga oq oraladi,

Nuroniylik yuzimda balqqan.

Hamon ko‘nglim yoritib turar,

Yuragimda sen yoqqan gulxan.

Umrim bo‘yi hamrohim bo‘lib,

Ezgulikka chorlaganing rost.

 Sening  bitta orifang kabi,

Duodaman , qilaman e’zoz.

Yana qancha gulgun, navnihol

Ko‘zlarida porlab turasan.

Iste’dodning  yalovi bo‘lib,

Ma’rifatga chorlab turasan.

O‘roloy MARDIYEVA,

Samarqand viloyati

Qo‘shrabot tumanidagi 35-maktab o‘qituvchisi