Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Kim yaxshi

– Salom, jajji qizaloq,

 Jingalaksoch ko‘zmunchoq.

Senga bir savolim bor,

Javob bergin o‘ylabroq.

 

– Dadajoning yaxshimi,

Yoki oyingmi ko‘proq?

 

Ko‘zlarin pirpiratib,

Qizcha o‘ylandi ozroq.

Savol oddiy bo‘lsa ham,

Javob edi “og‘irroq”

“Oyim yaxshi” desinmi,

Yoki “Dadam yaxshiroq...”

Xayoli chalg‘ib ketdi,

O‘ylari ham tumtaroq.

Lek javobsiz qolmadi

Amaki bergan so‘roq.

 

 – Amakijon, bilsangiz,

Ikkisi – ikki chiroq.

Men uchun dadam, oyim

Bir-biridan yaxshiroq!

 

Bulutoy

Yum-yum yig‘lar Bulutoy,

Ko‘zlarida serob yosh.

Momaqaldiroq unga

Qattiq tegdi, bag‘ritosh.

Juda uzoq yig‘ladi,

Oqizib ko‘z yoshini.

Jilmaydi ona-Quyosh,

Silab uning boshini.

Tez yupandi Bulutoy

Joni og‘rimagandek,

Yorishib ketdi olam,

Yomg‘ir ham yog‘magandek.

 

Adham ABDUSAMIYEV,

Farg‘ona viloyati Quva tumanidagi 8-maktab targ‘ibotchisi

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.