Shunday ko‘chaga chiqsam

Qalbimda qoldirar iz.

Ko‘zim oldida qator

Avtolar oqar viz-viz.

Qing‘ir ko‘z “Lasetti”lar

Ovoz yo‘q, o‘qdek uchar.

Nimaning hisobiga

Yaralgan olov kuchlar?

Avtolar odam tashir,

Biri esa oq moshin.

Traktorlar tarillar

Uni qotirar boshin.

Bilim konida “sichqon”

“Boshqar” deb qo‘lga boqar.

Ustozim kompyuterning

Chirog‘in dilga yoqar.

Akamni biron ishga

Ko‘rishmabdi hatto ep.

–   Essiz, kompyuter bilan

Ishlashni bilmaysiz, deb.

Ustoz aytganin anglab

O‘zlashtirgum, fido jon.

Bir kuni ish qidirib,

Akamday bo‘lmay sarson.

Mo‘min Avaz