Dilida orzu-maqsad,

Yurtiga sodiq farzand.

Boʻlmoqchi yurt oʻgʻloni,

Kelajakning posboni.

Gʻayrati cheksiz ummon,

Qalbida toza iymon.

Unga baxsh etadi kuch,

Vatan oldidagi burch.

Ota deydi: – “Boʻl omon,

Tinchlikni saqla har on.

Ulgʻaygin askar boʻlib,

Kuch-u quvvatga toʻlib.

Bir soʻzli, oʻktam boʻlgin,

Chin axloqni jam qilgin,

Vataning tinchi uchun,

Farovon erki uchun,

Oʻqi jon-jahding bilan,

Yurakda ahding bilan.

– Otamga qilgum taʼzim,

Mardlikni qilib jazm.

Orzu, istak dilimda,

Maqsad hayot yoʻlida.

Oʻqib-ulgʻayib bir kun,

Xursand qilaman butkul.

Daryo dadajonimni,

Oftob ayajonimni.

Yurtga sodiq boʻlaman,

Jasur zobit boʻlaman.

Oʻtkir DAMINOV,

Qashqadaryo viloyati Muborak tumanidagi

33-maktab oʻqituvchisi