Kapalak, ho, kapalak,

Tong yoydi oq surp – palak.

Yotog‘ingdan chiqib kel,

Yuz ochar tonggi tilak.

Kapalak, ho, kapalak,

Bo‘laqol, shoshil andak.

Bahor ko‘ylagin kiyib,

O‘tloqda kutar chechak.

Kapalak, ho, kapalak,

Ko‘klam to‘shadi to‘shak.

Gulzor kutar bir yonda,

Bir yonda o‘t, xas-xashak.

Kapalak, ho, kapalak,

To‘r yoymoqda zarpechak.

Unga sira yondashma,

Qilar ovora, halak.

Kapalak, ho, kapalak,

Harir yopgan hur malak.

Kel, har yoqqa qo‘l yoyib,

Kutmoqda poliz, palak.

Kapalakjon, kapalak,

Bormi senda et, so‘ngak?

Shundog‘am chiroylisan,

Boshqa narsa ne kerak?

Salim ASHUR