Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Kezayotir yoz

Keng oʻlkam boʻylab

Kezayotir yoz.

Oʻng-u soʻlimga

Toʻshab poyondoz

Kezayotir yoz,

Bezayotir yoz.

Daraxt shoxida

Turfa xil meva.

Men pishdim, deya,

Qilmoqda jilva.

Bogʻbonni eʼzoz

Qilgandayin yoz

Sochmoqda quyosh

Nur-u harorat.

Asli jon-tanga

Huzur-halovat.

Yayrab dilni yoz,

Kezar oltin yoz.

Sayr-u sayohat

Boshlagan faslim.

Yurtimni kezib

Chiniq ey, naslim.

Chiniqmoqlik soz

Kelganida yoz.

Kezayotir yoz,

Bezayotir yoz.

Oh, qandayin soz

Asl fasl yoz!

Koʻngillarni yoz,

Koʻngillarni yoz!

 

Poʻlat Moʻmin,

Oʻzbekiston xalq shoiri

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.