Dunyoda eng nurli yurt – mening vatanim,

Mevasi ming turli yurt – mening vatanim.

Dunyoda eng shirin soʻz – mening vatanim,

Bolalari mehmondoʻst mening vatanim.

Dunyoda eng yashil bogʻ – mening vatanim,

Tillodan ham asilroq – mening vatanim.

Dunyoda eng gul diyor – mening vatanim,

Baxt ulashib baxtiyor – mening vatanim.

Dunyoda eng suvi qand mening vatanim,

Togʻlari ham eng baland – mening vatanim.

Dunyoda eng tinch, ahil – mening vatanim,

Yashayversin mustaqil – mening vatanim.

Biz ham oʻsa boramiz, mening vatanim,

Gul qilib yuboramiz seni, Vatanim!

Husniddin Sharipov,

Oʻzbekiston xalq shoiri