Mahallada yig‘ilib,

Bir yaxshi niyat qildik.

Ishlarni bo‘lib olib,

Nihol ekmoqchi bo‘ldik.

Qunt bilan qazib yerga,

Ko‘chatlarni qadadik.

Bosh-oyoq botib terga,

Qushlarga in yasadik.

Ezgu ishdan hamma shod,

Gul o‘tqazib, suv quydik.

Shu kuni oldimizga

Oliy maqsadni qo‘ydik.

Qalbi daryo diyorning

Bizdan umidi katta.

Ulg‘ayib bog‘ qilamiz,

Yurtimizni, albatta.

Borimizni ayamay,

Elga tirgak bo‘lamiz.

Mehnatni qilmay kanda,

Yurtga xizmat qilamiz.

Bizga o‘rnakdir mudom,

Yurtim deb qaddi dollar...

Saodatga burkanib,

O‘syapmiz biz nihollar!

Bizdan ozod va obod

Vatan qolsin, yurt qolsin!

Dong‘i doston umrbod,

Har bir kun baxtga to‘lsin!

Maftuna Baxtiyorova,

Buxoro viloyati Shofirkon tumani

1-maktab 11-sinf