Dilda surur, tilda shukrona,

Yashayapmiz qarang, shohona.

Har kun bayram, zo‘r shodiyona,

Sen tufayli, Onajon tilim.

Navoiy va Bobur misli sher,

Yozdi doston, yozdi g‘azal she’r.

O‘zing menga o‘tkir qalam ber,

Shirin so‘zim, jonajon tilim.

Shevasida jilolari bor,

Zo‘r ohangi, imlosi bisyor.

Ertasi bugundan ulug‘vor,

G‘ururimsan, sharaf-shon tilim.

Seni asrab yurgandir bobom,

Gul-chechakka o‘ragan momom,

Biz ham seni asraymiz mudom,

Ruhga quvvat, tanga jon tilim!

Mashhura BAXTIYOROVA,

Buxoro viloyati Shofirkon tumani 35-maktab 10-sinf