Ona tilim – beg‘ubor tilim,

Kamolingdan yayraydi dilim,

Sen-la kelgan omad, baxt, ilm,

Sen bor – qadr, shon topgay elim!

Qalbga kuchsan, dillarga davo,

Sen mo‘jiza, bebaho navo.

Qo‘shiqlarda yangrab dilrabo,

Yuraklarga malhamsan, tilim!

El deb yongan ulug‘lar tili,

Boqiy bo‘lsin iqboling umri,

Jahonda bo‘l tillarning huri,

Iftixorsan, faxrsan, tilim!

Yurtda quvonch katta tantana, 

Kezmoqda kuz, quvonchli sana,

Qutlug‘ bo‘lsin bayraming yana,

Faxri bo‘lgin olamning, tilim!

Baxtiyor YO‘LDOSHEV,

Farg‘ona viloyati Uchko‘prik tumani

8-maktab o‘qituvchisi