Baland shoxda chug‘urlaydi,

Bitta ona chumchuqcha.

Chug‘urlaydi-chug‘urlaydi,

Bir dam tinmaydi buncha?

Zuhra ko‘rdi:

– Polaponi tushib ketgan ekan, voy!

Mushuk yalar mo‘ylovini,

Yeb qo‘ymasa edi, hoy!

Chopib borib polaponni

Olib, mehr-la boqdi.

Akasi ham ko‘rib buni,

In yasab shoxga qoqdi.

Ona chumchuq polaponga

Sayrab qo‘ydi chug‘urlab:

– Mana endi mushukvoy ham

Ketolmaydi o‘g‘irlab.

Nurxon RAYIMOVA