Kechalari tushimga

Nimalar ham kirmaydi?

She’rlar meni uyg‘otib,

Hol-jonimga qo‘ymaydi.

“She’r yoz!” deyishib menga,

Qog‘oz, qalam tutkazar,

Yetaklab jim qo‘limdan

Stolimga o‘tkazar.

Ko‘zimni katta ochib,

Qog‘ozimga qarayman.

“Shoh asar yaratsam-a?!”

Hayajonda o‘ylayman.

Ana shunda to‘satdan,

Zo‘r she’r keldi miyamga

“Qani yoza boshlaymiz”,

Shivirladim qalamga.

Qalamimni qog‘ozga

Endi tekkizgandimki,

Yeldi-uchdi ilhomlar

Xuddi kiyganday konki!

Tutolmadim ilhomni

Kelganda ajib g‘oya!

Men bir go‘dak, u bo‘lsa,

Tutqich bermagan soya.

Eh, biroz to‘xtaganda,

Shoh asar yaralardi!

Til chiqarib ilhomlar,

Oynamdan mo‘raladi...

Nozimaxon RUSTAMBEKOVA,

Xorazm viloyati Urganch shahri

30-sonli IDUM 6-sinf