Oyi, sizga bir savol

Bermasam bo‘lmaydi hech.

Javobini bilmasam,

Ko‘nglim ham to‘lmaydi hech.

Quyosh bobo, Oy esa

Momo emish, oyijon.

Bundayin so‘zlar meni

Rosa qildi-ku hayron.

Quyosh va Oy farzandi

Millionlab yulduzlarmish.

Demak, har ikkisi ham

Bolani ko‘p suyarmish.

Koinot mo‘jizasi

Harakatda betinim.

Ammo nabiralari

Qayerda va ular kim?

Yulduz RO‘ZIYEVA,

Alisher Navoiy nomidagi

Toshkent davlat o‘zbek tili va adabiyoti universiteti magistranti