ECHKI SUZDI

Hoy, do‘stim Turdi,

Seni kim urdi?

– Urmadi hech kim,

Suzdi-da, echkim.

***

QISQA JAVOB

Isming nima?

– Sherali.

– Tiling buncha

Shirali?

– Ko‘p bo‘lmadi,

Bo‘ldi sal.

Yegan edim

Men asal.

Shundandir

Tilim shirin.

Aytib qo‘ydim-a,

Sirim.

***

TOʻLAGANNING ORZUSI

Yosh bo‘lsam-da, niyat ko‘p –

Qiziqdim koinotga.

Xayolan safar qilgum,

Men minib temir otga.

Sayyoralar kezaman,

Mars, Neptunda bo‘laman.

Yangi sayyora izlab,

Topguvchi men – To‘lagan.

***

VERTOLYOTGA NASIHAT

Varragingni aylantirib,

Ketib qolma.

Ketib qolib, o‘zga joyda

Yetim qolma.

 Ro‘zimurod BOLQIYEV,

Jizzax viloyati Mirzacho‘l tumani 10-maktab boshlang‘ich sinf o‘qituvchisi