Insonlarni haqqa eltar,

Xitoblar bor kitoblarda.

Yo‘limizga nur taratar,

Chiroqlar bor kitoblarda.

Yosh avlodga yo‘l ko‘rsatar,

Shitoblar bor kitoblarda.

Ruhimizga ziyo sochar,

Saboqlar bor kitoblarda.

Insonlarning kelajagi

Bog‘liq bo‘lar kitoblarga.

Ertamizga mezon bo‘lgan

Hisoblar bor kitoblarda.

Vaqt o‘tmoqda, ey siz yoshlar,

Oshno bo‘ling kitoblarga!

Kitobxonga hamroh bo‘lgan

O‘rtoqlar bor kitoblarda!

Malikabonu TOHIROVA,

Buxoro shahar 32-maktab 10-sinf