Maktabim

Salom – odobning boshi,

Odob – umr quyoshi.

Ta’lim – xulqning yo‘ldoshi,

Baxtga irmoq maktabim!

Bilimlarning dunyosi,

Dunyolarning a’losi,

A’lochilar fidosi,

Mehri qaynoq maktabim!

Tafakkurning qaymog‘i,

Ezgulikdir sabog‘i,

Saodatning mayog‘i,

Boshda bayroq maktabim!

 Kitob

Kitob – donishmand bobom,

Kitob – ertakchi buvim.

Ezgulikni qalbimda

Yashnatib turgan suvim.

Kitob – mehribon otam,

Kitob mushfiq onamdir.

Beg‘araz ham sodiq do‘st,

Hamsuhbat, hamxonamdir.

Kitob – beminnat ustoz,

Kitob – buyuk muallim.

Odob-axloq, kasb-hunar,

Berar tarbiya, ta’lim.

Kitob – ilohiy ne’mat,

Kitob ma’naviyatdir.

Kitob – quyosh, kitob – nur,

Kitob abadiyatdir.

NEGMUROD GULIYEV,

“Shuhrat” medali sohibi,

Buxoro viloyati G‘ijduvon tumani