Nokning shoxi bukildi,

Olma duv-duv to‘kildi.

Anor kiygan nimchalar,

Chok-chokidan so‘kildi.

Kuz fasllar boyi bu,

Sentyabr oyi bu!

OKTYABR OYI

Yangi hilol tug‘ildi,

Hosil-xirmon yig‘ildi.

Ko‘kdan yerning yuziga

Qut-baraka yog‘ildi.

Yilning qaymoq-moyi bu,

Oktyabr oyi bu.

NOYABR OYI

Shamol shoshilib qoldi,

Bulut osilib qoldi.

Jazirama quyoshning,

Tafti bosilib qoldi.

Kuzning yetgan joyi bu,

Sho‘x noyabr oyi bu.

Zulxumor Abdurasulova,

Andijon viloyati Jalaquduq tumani,

nafaqadagi o‘qituvchi